Tórshavnar Sløkkilið hevði fyrr í dag venjing saman við Magn við stóru oljutangarnar á Vestaru bryggju í Havn.
- Vit høvdu venjing saman við fólkunum hjá Magn. Hetta var fyri at royna skipanina hjá teimum, sigur innsatsleiðarin hjá Tórshavnar Sløkkiliðið.
- Latið var, sum um at hol var á. Vit løgdu so skúm útyvir. Har er eisini garður rundanum, so onki rennur á sjógv, um illa vil til. Tað gekk skjótt at leggja skúm útyvir, sigur innsatsleiðarin.
Hann sigur, at hetta var ein væleydnað venjing. Sløkkiliðið hevur vanliga venjing hvønn mánað.
(Mynd: Álvur Haraldsen)
