- Tað verður stundum regn ella mjørki í morgin, sigur veðurmaðurin, Petur Skeel Jacobsen.
Tað verður einki serligt veður at fara til landsdyst í fótbólti ella til kappróður á Norðoyastevnu í morgin.
Kendi veðurmaðurin lovar upp í hvassan mynd av landsynningi í morgin, møguliga upp í skrið-styrki.
Tað einasta góða í hesum sambandi er, at hitin fer at liggja millum 10 og 13 stig.
Sunnudagin verður heldur frægari veður: Sólarglottar, men eisini okkurt ælið og framvegis við lýðku. Sama veður verður eisini mánadagin.
Men í komandi viku kann Petur Skeel hinvegin boða frá turrveðri, sólarglottum og hita millum 11 og 15 stig.
