Líka so væl, sum vátakavi og illfýsið veður er ringt fyri ærnar, sum nærkast lembing, er slíkt veður ikki minni trupult hjá smáu lombunum, sum verða lembd í haga. Vátakavi og illfýsið er eitt tað ringasta fyri ærnar, nú vit nærkast lembingartíð.
Tað sigur seyðabóndi, sum Portalurin hevur tosað við seinnapartin í dag.
Enn er lembingin ikki byrjað, tó at onkur einstøk lomb longu eru komin.
Nú hann sigur frá liggjandi høgætt og kulda millum frostmarkið og pluss eini 3 stig, er hetta ikki best fyri ærnar, sum stunda ímóti lembing.
- Fáa vit meiri vátakava teir næstu dagarnar, kunnu ærnar skjótt gerast illa fyri og lemba av neyð, tá tær annars høvdu havt nakrar dagar eftir at ganga, sigur seyðabóndin.
Lembingartíð er annars seinast í apríl og fyrst í mai.
Óneyðugt er at siga, at líka so væl, sum vátakavi og illfýsið veður er ringt fyri ærnar, sum nærkast lembing, er slíkt veður ikki minni ringt fyri smáu lombini, sum verða lembd í haga.
