Vónar skjóta loysn

Sáttmálatrætan millum Fíggjarmálastýrið og Starvsmannafelagið verður framvegis viðgjørd av semingsstovninum.

Landsstýrismaðurin í fíggjarmálum skal gera vart við, at sum semingsstovnurin hevur lagt upp til, er hann til reiðar at finna ein skjóta loysn á ósemjuni, sum liggur innan karmarnar á semingsuppskotinum.

Partarnir eru samdir um, at broytingar kunnu gerast innan hendan karm, ið millum annað ber í sær, at tey lægstløntu í skipanini fáa bøtt lønarviðurskifti.

Landsstýrismaðurin vónar framvegis, at Starvsmannafelagið vil arbeiða fyri eini skjótari loysn á hesum grundarlagi.


Tórshavn 8. apríl 1999

Karsten Hansen

landsstýrismaður