Manchester United hevði í dag møguleikan at koma í lovaða landið, sum komandi kappingarár skal spæla í Champions League. Men fyrst vann Manchester City kæruna móti UEFA, sum ger at grannarnir hjá Manchester United sleppa alíkavæl at luttaka í Evropa komandi tvey kappingarárini. Tí skal Manchester United nú blíva nummar fýra, heldur enn nummar fimm fyri at fáa pláss í gyltu kappingini.
Tað kundi Manchester United gjørt við at vunnið á heimavølli móti Southampton í kvøld, men í yvirtíðini skoraðu gestirnir til 2-2. Úrslitið merkir, at Manchester United framvegis er á fimta plássi, nú trý umfør eru eftir.
Manchester United hevur spælt avbera væl síðani koronasteðgin, og tí vóru heimamenninir stórfavorittar. Gestirnir komu á odda, men Anthony Martial og Marcus Rashford vendu dystinum, áðrenn Michael Obafemi í yvirtíðini javnaði eftir hornaspark. Manchester United er nú ájavnt Leicester í stigum, men Leicester hevur betri málúrtøku.
| 1 | Liverpool | 35 | 30 | 3 | 2 | 76:27 | 93 |
| 2 | Man City | 35 | 23 | 3 | 9 | 91:34 | 72 |
| 3 | Chelsea | 35 | 18 | 6 | 11 | 63:49 | 60 |
| 4 | Leicester | 35 | 17 | 8 | 10 | 65:36 | 59 |
| 5 | Man United | 35 | 16 | 11 | 8 | 61:35 | 59 |
| 6 | Wolves | 35 | 14 | 13 | 8 | 48:37 | 55 |
| 7 | Sheffield United | 35 | 14 | 12 | 9 | 38:33 | 54 |
| 8 | Tottenham | 35 | 14 | 10 | 11 | 54:45 | 52 |
| 9 | Arsenal | 35 | 12 | 14 | 9 | 51:44 | 50 |
| 10 | Burnley | 35 | 14 | 8 | 13 | 39:47 | 50 |
| 11 | Everton | 35 | 12 | 9 | 14 | 41:52 | 45 |
| 12 | Southampton | 35 | 13 | 6 | 16 | 45:58 | 45 |
| 13 | Newcastle | 35 | 11 | 10 | 14 | 36:52 | 43 |
| 14 | Crystal Palace | 35 | 11 | 9 | 15 | 30:45 | 42 |
| 15 | Brighton | 35 | 8 | 12 | 15 | 36:52 | 36 |
| 16 | West Ham | 35 | 9 | 7 | 19 | 44:59 | 34 |
| 17 | Watford | 35 | 8 | 10 | 17 | 33:54 | 34 |
| 18 | Bournemouth | 35 | 8 | 7 | 20 | 36:60 | 31 |
| 19 | Aston Villa | 35 | 8 | 6 | 21 | 38:65 | 30 |
| 20 | Norwich | 35 | 5 | 6 | 24 | 26:67 | 21 |
