Heilsufrøðiliga Starvsstovan ávarar nú ímóti einum slagi av vælkendum smákakum. Talan er um eina sending av Karen Volf Hunangssnittur. Heilsufrøðiliga Starvsstovan sigur, at tað er staðfest, at hýggj er í nøkrum av kakunum og tískil eru tær ikki etandi
Talan er um pakkar við átta kakum í. Nettovektin er 144 gramm og framleiðsludagurin er 26. apríl í ár. Kakurnar eru merktar at vera best fyri 23. september í ár og Lotnummarið er LS18116372 og EAN nr.: 5709364674777.
Heilsufrøðiliga Starvsstovan sigur, at fólk, sum hava kakur av hesari ávísu sendingini, eiga at beina tær burtur, ella at lata handlinum, haðani tær eru keyptar, tær aftur.
