Í EB/Streymi hava tey verið serstakliga fegin um mongu málini, sum rumenin Sorin Anghel hevur skotið í bláu og svørtu troyggjuni. Síðan aldarskiftið hevur hann oftast verið toppskjútti í Sundalagnum. Men nú eru tíðirnar broyttar.
Tá Anghel í gjár javnaði fyri heimaliðið var tað bara hansara næsta mál í ársins útgávu av Formuladeildini. Rumenin hevur fingið meira verjukendar uppgávur á liðnum, og hvat málum viðvíkur, stendur nú fyrrverandi málrevurin í skugganum av Arnbirni Hansen.
Tað hevur verið tikið skemtandi til, at Sorin Anghel, sum hevur stóran týdning í Sundalagnum, er einasti eiðismaðurin hjá EB/Streymi. Rumenin kom til Føroya í 2001, og hevur tí verið partur av stóru broytingini í felagnum seinnu árini. Ja, saman við Marna Djurhuus er hann faktist hin einasti.
