Víkingarnir hava fingið luft aftur undir veingirnar. Í fínum summarveðri vann Víkingur í Sarpugerði í kvøld 3-1 ímóti EB/Streymi. Talan var um framskundaðan dyst í sekstanda umfari, sum er ólavsøkuumfarið.
Sigurin ber við sær, at Víkingur eftir fjórða sigurin á rað er á bronsuplássi, nú meistararnir fara at fyrireika seg at fara til Finnlands at spæla í europeisku meistarakappingini.
Øll málini vórðu skorað í seinna hálvleiki, og tað var EB/Streymur, sum legði seg framum, tá ið Petur Zachariasen eftir innlegg frá Hans Paula Samuelsen setti bóltin í málið.
Tá var ein tími farin, og sjey minuttir seinni eydnaðist tað Víkingi at vinna úrtøku úr trýstinum, sum heimaliðið legði á gestirnar, eftir at EB/Streymur hevði lagt seg framum.
Tað var eftir horna, at Gunnar Vatnhamar stútaði bóltin í málið.
Tíggju minuttir undan leikloki var tað Philip Djordjevic, sum var bæði arkitektur og málskjútti eftir skjótt Víkinga álop. So royndi EB/Streymur at spenna álopsbogan, og hann brast, tá ið innskifti Adeshina Lawal eftir einmansavrik staðfesti 3-1 sigurin.
Harvið hava Sigfríður Clementsen og Víkingur vunnið fýra dystir og harvið tólv stig á rað.
Víkingur er á triðja plássi við 29 stigum. B36, sum hevur 28 stig, hevur á ólavsøku ímóti 07 Vestur møguleika at lyfta seg fram aftur á bronsuplássið. NSÍ hevur 27 stig og hevur á ólavsøku ímóti HB møguleika at lyfta seg framum aftur Víking.
Víkingur – EB/Streymur 3-1 (0-0)
0-1: Petur Zachariasen 59.
1-1: Gunnar Vatnhamar 68.
2-1: Philip Djordjevic 81.
3-1: Adeshina Lawal 94.
Dómari: Lars Müller
Víkingur: Elias Rasmussen - Elias Lervig, Atli Gregersen, Adrian Cascaval, Hanus Jacobsen - Gunnar Vatnhamar, Heðin Hansen, Hans Jørgen Djurhuus (Adeshina Lawal, 68.), Sølvi Vatnhamar - Philip Djordjevic (Dennis Moreno, 83.), Andreas Lava Olsen (Hans Jákup Lervig, 77.)
Gult kort: Heðin Hansen, Hans Jákup Lervig
Venjari: Sigfríður Clementsen
EB/Streymur: Rói Zachariasen - Petur Zachariasen, Oddur Á. Højgaard, Rói H. Olsen, Rógvi Egilstoft Nielsen - Arnar Dam (Marni Djurhuus, 51.), Gestur B. Dam - Leif Niclasen, Hans Pauli Samuelsen (Fríði Kruse Johansen, 79.), Jónstein Magnussen (Ari Ó. Ellingsgaard, 58.) - Pætur J. Petersen
Gult kort: Gestur Bogason Dam
Venjari: Heðin Askham
| HB | 15 | 13 | 1 | 1 | 31 | 10 | 40 |
| KÍ | 15 | 11 | 2 | 2 | 27 | 10 | 35 |
| Víkingur | 16 | 9 | 2 | 5 | 26 | 19 | 29 |
| B36 | 15 | 9 | 1 | 5 | 32 | 20 | 28 |
| NSÍ | 15 | 8 | 3 | 4 | 32 | 15 | 27 |
| Skála | 15 | 5 | 3 | 7 | 14 | 20 | 18 |
| EB/Streymur | 16 | 4 | 5 | 7 | 18 | 21 | 17 |
| Suðringar | 15 | 3 | 2 | 10 | 12 | 27 | 11 |
| AB | 15 | 2 | 2 | 11 | 8 | 32 | 8 |
| 07 Vestur | 15 | 1 | 1 | 13 | 13 | 39 | 4 |
27. juli
KÍ - Skála
AB - Suðringar
Ólavsøkuaftan
HB - NSÍ
Ólavsøkudag
B36 - 07 Vestur
