Tað hilnaðist væl, tá ið Víkingur seinnapartin vitjaði á Vágseiði.
Úrslitið var 2-0 til Víking. Tað ber við sær, at felagsliðið hevur styrkt um sína støðu á fjórða plássinum, og at víkingarnir framvegis hava møguleika at røkka heiðursmerkjum.
Bæði málini vórðu skorað eftir deyðbóltsstøður. Finnur Justinussen stýrdi frísparksinnleggi í málið í 1. hálvleiki, og í 2. hálvleiki var tað Hans Jørgen Djurhuus, sum stýrdi hornasparksinnleggi í málið.
Víkingur skal í síðsta umfari spæla ímóti ÍF í Sarpugerði.
2-0 tapið ber við sær, at FC Suðuroy framvegis er undir niðurflytingarstrikuni. Vónin er tó ikki burtur. Í síðsta umfari skal FC Suðuroy spæla á útivølli ímóti longu niðurflutta AB, meðan B71, sum er eitt stig frammanfyri FC Suðuroy, skal spæla í Runavík.
-------
65 min.
0-2
Eftir hornaspark var tað Hans Jørgen Djurhuus, sum við handara stólpan setti bóltin í málið.
------------
60 min
0-1
Tað hevur gingið javnt á fyrstu løtuna eftir hvíldina.
-------
Hálvleikur
0-1
---------
Brekkan er vorðin uppaftur brattari hjá FC Suðuroy í stríðnum at halda tørn um plássið í bestu deildini.
Víkingur vitjar á Vágseiði, og eftir eitt korter hava gestirnar skorað. Málskjútti var Finnur Justinussen, sum við handara stólpa eftir frísparksinnlegg úr vinstru við høvdinum stýrdi bóltin í málið.
Líkindini eru ikki so galin á Vágseiði.
Víkingur hevur havt gott tak á spælinum.
