Hóast tað var tætt og harvið spennandi, so var tað heimaliðið, sum fekk fult, tá ið næstbesta liðið Hjá Víkingi seinnapartin var í Klaksvík. KÍ vann 3-1 eftir 1-0 hálvleiksleiðslu.
Merkisvert var tað, at hóast gestirnir einki fingu burturúr, so skoraðu teir tríggjar ferðir, meðan heimamenninir bara skoraðu eina ferð!
Helgi Samson setti hol á fyri KÍ miðskeiðis í 1. hálvleiki eftir verjukiks og harvið púsa leysa støðu til unga álopsspælaran, sum einsamallur rann langan tein, áðrenn hann setti bóltin framvið Rógva Ryggshamar.
Víkingur var omaná fyrstu løtuna, men so javnaði tað seg. Eitt lítið korter eftir steðgin javnaði Per Gregersen eftir horna og aftur og fram. Tjúgu minuttir undan leikloki var Dánjal Pauli Lervig óheppin at stýra bóltin í egið mál, eftir at Jens Pauli Mohr hevði sneitt seg leysan á baklinjuni og lagt út frá, og ein minutt seinni lá bólturin aftur í Víkingamálinum, eftir at Heðin Klakstein hevði sent horna innfyri, og bólturin umvegis Sámal Jákup Joensen hjá Víkingi fór í málið.
Talan var um útsettan dyst frá 1. umfari.
Støðan eftir 4 umfør
B68 12 stig
FC Suðuroy 9 stig
HB 6 stig
Skála 6 stig
KÍ 6 stig
EB/Streymur 5 stig
TB 4 stig
B71 4 stig
Víkingur 3 stig
B36 3 stig
5. umfar
17. apríl
HB-EB/Streymur
FC Suðuroy-TB
B68-Víkingur
KÍ-B71
Skála-B36
