Fyrradagin boðaði Summar Festivalurin, at tjaldingin á festivalinum var útseld, og nøkur telt eru komin upp í regninum, tó at tað enn sær út at vera pláss fyri fleiri.
Seinastu árini hevur Summar Festivalurin bjóðað fólki at gista í tjaldbygdini, sum liggur mitt á festivaløkinum.
Tjaldbygdin lat alment upp klokkan 15, og har er eitt stórt indianaratjald í miðjuni, sum bjóðar suppu til kaldar og vátar tjaldarar.
Harafturat hava nakrir víkingar fest sær búgv skamt frá tipi-tjaldinum, ið hava ymiskt í grillini.
Fyrireikararnir siga, at fólk kunnu framvegis keypa sær atgongumerki at vitja tjaldbygdina, men tó ikki gista á økinum.
