VÍF - StÍF 27-23 (16-13)
StÍF vitjaði VÍF í Vestmanna í dag í Okkara deildini, men vóru ongantíð veruliga nær við at fáa eitt úrslit við sær heim.
VÍF hevði hug at vera á odda allan fyrra hálvleik, og strandingarnir kundu ikki vera ónøgdir við at teir bert vóru aftanfyri við trimum í hálvleikinum.
Men VÍF avgjørdi dystin tíðliga í seinna hálvleiki, tá ið munurin øktist upp í seks mál eftir lítlari løtu, og brekkan hjá StÍF gjørdist ov tung at nærkast einum úrsliti.
Endin var at VÍF vann tryggan sigur á 27-23, og legði sostatt væl frá landi í kappingarársins fyrsta dysti.
Málskjúttar hjá VÍF:
Jóhan í Garðastovu 6, Filip Jojic 5, Sjúrður Olsen 4, Jón Muller 4, Andrias Eriksen 4, Jákup A. Joensen 2, Heini á Heygum 1, Magnus Muller 1,
Málskjúttar hjá StÍF:
Jóannes A. Prestá 8, Pætur Joensen 5, Martin Danielsen 4, Tummas Simonsen 3, Teitur V. Nilssen 2, Djóni J. Petersen 1
