Politikkur snýr seg um nógv ymisk ting.
Seinastu dagarnar hava vit sæð hvat kann henda í kommunalpolitikki og vit vita, at á landspolitisku dagsskránni fyllir fiskivinnunýskipanin nógv.
Men onnur mál set eisini sín dám á politiska orðaskiftið og vísa, hvør munurin í veruleikanum er millum vinstra og høgra.
Í hesi vikuni skal Løgtingið fyri aðru ferð hava 3.viðgerð av lógaruppskotinum um at endurstovna landsbankan og seta á stovn eitt føroyskt váðaráð.
Hesi málini eru veruliga vorðin politisk stríðsmál.
Samgongan, sum legði frá sær í fjør, avtók Landsbanka Føroya í 2012. Landsbanlin hevði tá virkað í nøkur ár, men borgarliga samgongan hevði ongantíð verið heit fyri at ein landsbanki var settur á stovn.
Millum nógvar borgarligar politikarar var hetta sæð, sum ein møguleiki hjá vinstraflokkunum at seta ein almennan stovn afturat á stovn. Og ein stovn, sum politikararnir kundu stýra partvís.
Tí legði táverandi landsstýrismaðurin við fíggjarmálum uppskot fram um at avtaka bankan og eftir stutta viðgerð í Løgtinginum var hetta samtykt.
Les meira í Sosialinum í dag.
