Ætlaða haruskjótingin - ella klappjaktin í Trongisvági - varð herfyri útsett, men nú verður roynt aftur í morgin, leygardagin 11. november.
Viðrar í morgin, er ætlanin at fara undir árligu klappjaktina í Trongisvági. Tá klappjakt er, eru sum vera man nógvir skjúttar.
- Tí verður heitt á fólk um at halda seg burtur frá økinum, meðan skotið verður, siga tey, sum standa aftanfyri elligamla tiltakið í Trongisvági.
Farið verður til stroks beinanvegin, tað lýsnar í morgin, og steðgað verður ikki, fyrr enn tað skýmir aftur.
Á viðfestu myndini sæst á leið økið, har skotið væntandi verður í morgin, og her er talan um reyða økið á kortinum.
##med2##
Klappjaktin í Trongisvági hevði annars 130 ár á baki í fjør.
Meira kann lesast um hetta elligamla, serstaka og siðbundna tiltak á https://www.tvk.fo/divleita.asp?sid=5715&search=klappjakt&id=
