- Eitt ísfiskalínuskip fiskar norðanfyri og kemur væntandi inn at landa síðst í næstu viku.
Tað vita tey á Fiskamarknaði Føroya at siga í dag. Um frystilínuskipini, sum eru fleiri í tali, verður sagt soleiðis:
- Eitt frystilínuskip fiskar í Eysturgrønlandi, og tvey sigla heim undan Eysturgrønlandi. Eitt frystilínuskip er á Flemsh Kap, og fýra fiska undir Føroyum.
Línuskipini fáa mest av toski, hýsu, longu og brosmu.
Um útlitini til útróður teir næstu dagarnar, siga tey á Fiskamarknaði Føroya, at streymurin er hampiligur, og veðrið verður gott fyri tað mesta.
- So, vit vænta nakað av fiski frá útróðrarbátunum, men fiskiskapurin er smáligur, verður lagt aftrat á Fiskamarknaði Føroya í dag.
