Í Vágs kommunu vita tey nú at siga, at útbjóðingartilfarið til ætlaðu íbúðarbyggingina á Løðhamri í Vági er tøkt.
Kommunan hevur samtykt at bjóða út vestara part av lendinum á Løðhamri til íbúðarbygging.
Hetta er eitt øki á 3800 fermetrar, og í Vágs kommunu siga tey, at hetta verður størsta byggiverkætlan í Vági í nógv ár.
- Vit vænta, at henda íbúðarverkætlan kemur at hava stóran týdning fyri økið á Løðhamri og fyri Vág.
Í Vágs kommunu ynskja tey, at verkætlan á Løðhamri verður samansett við íbúðum í ymiskum støddum.
- Hetta ynskja vit fyri at tryggja, at byggingin verður so fjølbroytt og dragandi sum gjørligt, siga tey í kommununi.
Útbjóðingartilfarið í samband við ætlaðu íbúðarbyggingina á Løðhamri kann síggjast um heimasíðuna www.vagur.fo
