Rennarin Usain Bolt úr Jamaica gjørdi sítt lívs størsta mistak, tá hann var ov skjótur avstað í 100 metrar finaluni í HM-kappingini í Suðurkorea í dag. Avleiðingin var, at hann varð burturvístur ú finaluni. Eygleiðarar siga, at Bolt hevur ongantíð verið so stórur favorittur sum júst í dag, og at kanska var tað júst tað, sum gjørdi, at hann var ov gáloysin.
Jamaica kann so ugga seg við, at landið varðveitti heimsmeistaraheitið, tí Yohan Blake vann kappingina við tíðini 9,92 sekund. Amerikanarin Walter Dix vann silvur, og Kim Collins úr Saint kitts and Nevis vann brosnu.
