Rennarin Usain Bolt úr Jamaica vann trygt kappingina á 200 metrum á Golden League-ítróttarstevnuni í Stockholm í gjárkvøldið. Tað var mótvindur, og Bolt kom á mál við tíðini 20,03 sekund. Tað var væl verri enn heimsmetið upp á 19,19 sekund, sum hann setti í heimsmeistarakappingini í Rom í 2009. Sína bestu tíð higartil í ár fekk hann á Golden League í Oslo í juni, tá hann brúkti 19,85 sekund um teir 200 metrarnar.
Kappingin í Stockholm var tann seinasta hjá Usain Bolt undan heimsmeistarakappingini, sum verður í Daegu í Suðurkorea í næsta mánað.
