Hernaðarliga amerikanska fregnartænastan, NSA, sneytar í upplýsingum um telefonsamskiftið hjá milliónum av amerikanarum.
Guardian hevur fingið fatur í einum rættarloyvi, sum vísir, at NSA hevur fingið upplýsingar um alt telefonsamskifti hjá tele- og breiðbandsveitaranum, Verizon.
Henda fyritøka er ein hin størsti veitarin av telefoni í USA.
Rættarloyvið krevur, at Verizon letur NSA upplýsingar um allar tær telefonsamrøður, fyritøkan hevur í sínum skipanum, bæði innan- og uttanlands.
