Kurvan fyri talið av koronasmittaðum í USA hækkar beint uppeftir í hesum døgum. Í gjárkvødlið vóru 100.717 fólk staðfest smittað í landnum.
Tað vísir uppgerð frá Johns Hopkins University.
USA er havrið fyrsta landið, sum fer um 100.000 smittað. 1554 fólk smittað við koronavirus eru deyð í USA, harav flest í statinum New York.
Seint hóskvøldið varð Kina yvirhálað av USA sum landið við flestum koronasmittaðum. Í Kina er sløk 82.000 smittað, og landið er síðani hósdagin eisini yvirhálað av Italia.
Í Italia eru 86.498 smittað við koronavirus.
Tað er framvegis Italia, sum er landið, har flest fólk smittað við koronavirus eru deyð. 9134 koronasmittað fólk eru deyð í landinum.
Amerikanski forsetin, Donald Trump, hevur skrivað undir uppá, at fólk úr herinum kunnu kallast inn at loysa uppgávur, upplýsir hann á einum tíðindafundi í gjárkvøldið okkara tíð.
Soleiðis kunnu fólk fáast til heilsustovnar, sigur forsetin.
Trump sigur eisini, at tað innan næstu 100 dagarnar skulu framleiðast 100.000 respiratorar.
– Italia vil hava respiratorar, Spania vil hava respiratorar, Týsklandi vil hava respiratorar. Øll vilja hava respiratorar. Vit fara at fremleiða nógvar respiratorar.
– Fyrst til okkara egna tørv, men vit fara eisini at hjálpa øðrum londum, sigur hann.
Donald Trump hevur í gjár skrivað undir eitt skriv við boðum um, at bilaframleiðarin General Motors skal framleiða respiratorar til koronasjúklingar.
Trump setti í síðstu viku í gildi aftur eina lóg, tað sonevndu Defense Productioan Act.
Tað er ein lóg, sum sjáldan verður nýtt, sum gevur stjórnini møguleika í krepputíðum at geva virkum boð um at framleiða ávísar vørur so sum heilsufrøðiliga útgerð.
/ritzau/
