Fríggjakvøldið 17.11.2023 kl. 19.00 verður alment tiltak á Búnaðarstovuni, har úrslitið av Landsseyðasýningini 2023 verður almannakunngjørt.
Skráin fyri kvøldið verður hendan:
- Vælkomuheilsan og felagssangurin “Nú hvítna tindar fjøllum á”.
- Ari Johanneson vísir videoupptøkur av øllum teimum brundseyðum, sum hava verið meldaðir til landsseyðasýningina í ár.
- Jens Ivan í Gerðinum, landbúnaðarráðgevi greiðir frá royndum við fiskamjølið (Seyðagrón) frá Havsbrún, sum ískoytisfóður.
- Kaffisteðgur.
- Ari Johanneson vísir videoupptøkur av teimum 8 brundseyðunum í hvørjum flokki, sum hava fingið flest stig.
- Úrslitið av Landsseyðasýningini 2023 verður kunngjørt, og Sigert Patursson, formaður í Bóndafelag Føroya handar virðislønirnar.
Tiltakið endar við, at Tjóðsangurin verður sungin.
Eftir sjálvt tiltakið eru fólk hjartaliga vælkomin at verða sitandi til eitt gott prát.
Ætlanin er at stroyma frá tiltakinum. Meir kunning um stroymingina verður løgd út á heimasíðuna hjá Búnaðarstovuni seinni.
