Í fíggjarætlanini fyri 2007 hevur Leirvíkar kommuna sett 7 mió krónur av til bátahyl á Toftanesi Leirvíkar kommuna er farin undir fyrireikingararbeiði at byggja nýggjan bátahyl á Toftanesi í Leirvík.
Sp/f Selmar Nielsen, arkitektur og P/F LBF, sum er nýggja navnið hjá Landsbyggifelagnum, hava gjørt nøkur uppskot um nýggjan bátahyl.
Kommunan hevur í hyggju at arbeiða víðari við uppskotinum, sum myndin sýnir.
- Bátahylurin er ein partur av eini heildarætlan fyri havnaøkið og miðstaðarøkið, sigur kommunan á síni heimasíðu.
Í Leirvík vóna tey, at arbeiðið at byggja bátahylin kann byrja sum skjótast, og á fíggjarætlanini fyri 2007 hevur kommunan sett 6 mió krónur av til ætlaða bátahylin.
- Uppskotið um bátahyl leggur upp til, at økið við bátahylin, økið niðan fyri kirkjuna og miðstaðarøkið út eftir Kulibakka, verða ein heild, sigur Leirvíkar kommuna.
