Volvo hevur boðað frá, at 1.500 starvsfólk í Svøríki missa arbeiðið Svenska bilverksmiðjan Volvo boðaði í gjár frá, at 1.500 starvsfólk í Göteborg Umeå og aðrastaðni í landinum missa arbeiðið, tí bilasølan í Svøríki og uttanlands er minkað.
Av teimum 1.500 missa 655 starvsfólk á lastbiladeildini í Göteborg og Umeå arbeiðið. Hini, sum noyðast til hús, arbeiða á deildum í Eskilstuna, Braås, Hallsberg, Skövde Köping og Vara, skrivar TT.
Ein talsmaður fyri Volvo sigur, at leiðslan er í samráðingum við fakfeløgini fyri at kanna, um starvsfólk kunnu arbeiða færri tímar, so tað slepst undan einum parti av uppsagnunum.
