Fjórði síðsta umfar í næstbestu fótbóltsdeildini verður seinnapartin. Skála, sum longu hevur tryggjað sær pláss í fremstu røð næsta kappingarár, fær vitjan av AB. Næstbesta liðið hjá argjamonnum hevur staðið seg ógvuliga væl. AB hevur góðan møguleika at vinna heiðurskrónur.
Í Sandavági fær 07Vestur vitjan av B68. Hesi bæði liðini kappast um seinna uppflytingarplássið. B68 hevur 44 stig, og 07Vestur hevur 42 stig. 18. apríl vann 07Vestur 1-0 á heimavølli ímóti B68. Tá ið liðini hittust á Svangaskarði 14. juni, var úrslitið 2-2.
Møguleikin hjá B36 at varðveita plássið í deildini er millum lítil og eingin. Í dag fær B36 vitjan av B71, sum kappast við KÍ um fimta plássið. Hjá klaksvíkingum hevur tað verið soltið seinastu ferðirnar. Í dag er KÍ stórfavorittur ímóti MB.
Næstbestu liðini hjá Víkingi og NSÍ skulu í skugganum av steypafinaluni í gjárkvøldi spæla grannauppgerð í Leirvík.
Í dag
07Vestur-B68: Petur Reinert kl. 15.00
B36-B71: Johan Petur Michelsen kl. 15.30
Skála-AB: Kári J. á Høvdanum kl. 15.00
Víkingur-NSÍ: Jóhan Hendrik Ellefsen
KÍ-MB: Rúni Gaardbo kl. 15.00
Støðan
Skála 58
B68 44
07Vestur 42
AB 42
KÍ 33
B71 33
Víkingur 28
NSÍ 24
B36 14
MB 2
NSÍ og B36 hava spælt 22 dystir, og hini liðini hava spælt 23 dystir
