Manchester United hevur í kvøld saman við liðum sum Tottenham, Manchester City, West Ham og Southampton spælt seg víðari til fjórða umfar í Liga Cup í Onglandi.
Les eisini: Chelsea vendi øllum
Eftir trý tap upp í slag, so eydnaðist tað Manchester United at vinna aftur. José Mourinho og hansara menn vunnu 3-1 á útivølli móti Northampton, sum spælir triðj bestu deildini í Onglandi.
Manchester United kom á odda í fyrra hálvleiki við málið, sum Michael Carrick skoraði. Síðani javnaðu vertirnir, áðrenn Ander Herrera og Marcus Rashford avgjørdu dystin. Størsta kritikkin fær liðskiparin, Wayne Rooney, sum sambært viðmerkjarum sá út sum ein spælari, ið hoyrir heima í League One.
Greiðasta sigurin átti Tottenham á Gillingham, meðan Bristol City, Sunderland, Manchester City, West Ham United og Hull City vunnu við einum.
Triðja umfar í Liga Cup:
Fulham 1 - 2 Bristol City
Northampton Town 1 - 3 Manchester United
Queens Park Rangers 1 - 2 Sunderland
Southampton 2 - 0 Crystal Palace
Swansea City 1 - 2 Manchester City
West Ham United 1 - 0 Accrington Stanley
Stoke City 1 - 2 Hull City
Tottenham Hotspur 5 - 0 Gillingham
