Næsta staklagið av nýggju fløguni hjá Una Arge, sum kemur út mikudagin 1. juli, verður sett í umfar í Kringvarpinum og á Rás 2 mánamorgunin. Lagið kallast ?Enn ein dagur fór? og er ein duett, sum Uni og Malan Eyðunsdóttir syngja saman.
Nýggja fløgan hjá Una Arge eitur ?Meldurtíð,? og á henni eru 12 nýskrivaðir føroyskir sangir. Tónleikaliga er fløgan mest akkustisk, og tekstliga er hon ein blandingur av eygleiðingum, kærleikslýsingum og samfelagsligum viðmerkingum.
- Har er tilfar til tey hugsunarsomu, romantisku og ótolnu. Nýggja staklagið vildi eg syngja saman við Maluni, tí hon er ein góð og innilig sangarinna. Vónandi kann duettin vera við til at gera føroyska summarið uppaftur meira romantiskt og festligt, sigur Uni Arge.
?Meldurtíð? kemur út 1. juli.
