Júst eitt ár eftir at seinasta fløga hansara ?Mitt í sjónum? kom út, er hann sostatt farin til verka aftur. Málið er at gera eina nýggja fløgu, sum hann fer at geva út komandi ár.
Í einum MySpace-bloggi sigur Uni:
- At droyma um at gera tónkeik er púra óbindandi. Tú kanst bara lata vera og so halda fram at droyma. At taka stigið og gera tónleikin, tú droymir um, er sum at fáa basilluna. Tú sleppur ikki av við hana og mást bara halda fram. Har eri eg staddur og tí haldi eg fram. Við royndunum frá fyrru fløguni havi eg meira at byggja á - t.d. venjing at vera í studio og meira sannføring um kós og egin evni. Eg njóti av sonnum at vera í studio - saman við góðum og dugnaligum fólki.
