Ungt Virki er nú Young Enterprise

Ungt Virki (Young Enterprise) hev­ur verið eitt tilboð til næm­ingar á støðisárinum á Før­oya Handilsskúla síðani skúl­a­árið 1996/97.
Sonja Oyr­a­bø Petersen byrj­aði ar­beiðið við Ungt Virki og hevur verið sam­skip­ari av kapp­ing­um og øðr­um YE-tiltøkum øll ár­ini, með­an EIK Banki hevur ver­ið høv­uðs­stuðul.
Tað hevur stóran týdning fyri føroyska samfelagið, at ung­dóm­ur­in fær førleikar í íverk­­setan. Ungt Virki er við til at skapa motivatión og eld­huga mill­um næmingarnar og at menna teir bæði fak­liga, per­són­liga og sosialt. Næm­ing­arnir arbeiða við at menna eitt virk­is­hug­skot og stovna egi virki. Hetta verð­ur gjørt fyri at vekja teirra áhuga at skapa nakað sjálv­støð­ugt.
Ungt Virki í Føroyum er part­ur av Young Enterprise í Dan­mark, sum er limur í Young Enter­prise Europe (YEE), sum er felagsfyri­sit­ing­in fyri líknandi verk­ætlanir í øðr­um europeiskum londum. Í 2011 luttóku 3,1 millión næm­ingar frá 36 londum í til­tøk­um, sum YEE skipaði fyri. Líknandi felagsskapir, Ju­n­ior Achievement, eru í USA og Asiu.
7. mars gjørdist Ungt Virki Før­oyar til Young Enterprise Reg­ión Føroyar við Súsan Klein Gregoriussen sum øki­s­leið­ara.
Á stovnandi fund­i­num lut­tóku m. a. Jóhan Dahl vinn­u­­mál­­a­­ráð­­harri, Christ­ian Vint­­er­­gaard, stjóri í FFE-YE (Fonden for entre­pren­eurship og Young Ent­e­rprise í Danmark), Be­ate Boyesen, umboð frá Vinn­u­mál­a­ráð­num, Ment­a­mála­ráð­num, Vinn­u­hús­i­num, Íverk­set­ar­a­hús­i­num, Før­oy­a Hand­i­ls­skúla, Tekn­iska Skúla í Klaks­vík og Tekn­iska Skúla í Tórs­havn. Heim­stað­ið hjá Young Enterprise Reg­i­ón Føroyar er Føroya Hand­i­ls­skúli í Tórshavn.
Í nevndina fyri Young Ent­er­prise Región Føroyar komu

Suni Schwartz Jacobsen, for­stjóri í Eik Banka
Marita Rasmussen, stjóri í Vinnu­húsinum
Ann­leyg Lamhauge, blað­stjóri KVINNA
Óli Kristian á Torkilsheyggi, stjóri í NAVIA
Kitty May Ellefsen, nevnd­ar­forkvinna í í­verk­set­a­r­a­hús­i­num
Aina L. Knudsen, stjóri á Før­oya Handilsskúlai
Rúni Heinesen, stjóri á Tekn­iska Skúla í Klaksvík
Egon Øregård, stjóri á Tekn­iska Skúla í Tórshavn
Mort­an Zachariassen, Menta­mál­a­ráðið
Jørg­en Meitilberg, Ment­amálaráðið

Nevndin skipaði seg við Suna Schwartz Jacobsen sum for­manni og Ainu L. Knudsen sum næst­formanni.