Bretska løgreglan hevur tikið tveir 15 ára gamla dreingir, tí illgruni er um, at teir hava beint fyri einari 15 ára gamlari gentu.
Líkið av Rebeccu Aylward varð funnið í einum skógi við bygdina Brigend, sum er nærhendis Cardiff, ið er høvuðsbýur í Wales.
Bretska kringvarpið BBC sigur, at gentan hvarv leygarkvøldið. Hon var farin at vitja nakrar vinir, men kom ongantíð vegin fram.
Í dag tók løgreglan teir báðar 15 ára gomlu dreingirnar, og teir sita nú í varðhaldi.
