Tað er sera tætt og harvið stórur spenningur í FM kappingini í talvi fyri unglingar.
Tveir dreingir úr Sandavági eru undan níggjunda og síðsta umfari javnir í toppinum. Teir eru Ragnar Weihe og Jón í Horni Nielsen.
Teir báðir unglingarnir úr Sandavági hava seks stig í part. Tríggir telvarar eru eitt hálvt stig aftanfyri teir báðar: Luitjen Akselsson Apol, Rógvi Mørkøre og Bjarki Bertholdsen.
Í dag vann Jón í Horni Nielsen við svørtum ímóti Luitjen Akselsson Apol, sum undan næstsíðsta umfari var einsamallur á odda. Ragnar Weihe hevði fríumfar og vann harvið eitt stig.
Í morgin klokkan 11 sær skráin hjá unglingunum soleiðis út:
Jón í Horni Nielsen-Markus Jacobsen
Ragnar Weihe-Elias Petersen
Rógvi Mørkøre-Bjarki Bertholdsen
Benjamin Reinert Fjallheim-Sún í Horni Nielsen
Flóvin M. Tummasarson-Hanna Jacobsen
Luitjen Akselsson Apol hevur fríumfar og hevur harvið longu tryggjað sær eitt stig í síðsta umfari.
Støðan undan síðsta umfari
Ragnar Weihe og Jón í Horni Nielsen 6 stig
Luitjen Akselsson Apol, Rógvi Mørkøre og Bjarki Bertholdsen 5 ½ stig
Benjamin Reinert Fjallheim 5 stig
Súni í Horni Nielsen 4 ½ stig
Flóvin M. Tummasarson 3 ½ stig
Hanna Jacobsen 3 stig
Markus Jacobsen 2 stig
Elias Petersen 1 stig
