Málmenn í fótbólti eru vanliga nógv longri virknir, enn útileikarar. Hetta er júst ein orsøk til, at miðalaldur av fótbóltsmálverjum runt allan heimin liggur um 30-ára markið.
Í fóroyskum fótbólti er støðan málmonnum viðvíkjandi tó heilt øðrvísi.
Allir átta føroyngar, ið dagliga verja málið i fremstu deildini, eru í tjúgunum, og bert teir báðir útlendingarnir, Waldemar Nowicki (B71) og Remi Mikoliunus (FS Vágar) hava fylt tríati.
Eykamenninir hjá flestu føstu málmonnunum eru heldur ikki gamlir í garði. Og tað er bert Jens Martin Knudsen, sum í sínum lítla steðgi heima vardi málið hjá B36 í 1.umdari, sum er føddur í seksti-árunum.
Jens Martin fyllir 33 ár um ein mánað. Honum á baki er ein annar maður við landsliðsroyndum, Bjarni Johansen. Vágbingurin, ið sostatt er aldursfórseti millum føroyskar málmenn í 1.deild, verður 29 ár seinni í hesum mánaðinum.
