Hiphop-bólkurin 21KNM hevur útgivið nýggjan sang við heitinum "Camping".
21KNM er ungur og framfýsin bólkur, sum hevur verið frammi við sangum sum "Bowla í Leirvík", "Effo Date" og "Mat í Luux". Bólkurin byrjaði at gera tónleik fyri góðum ári síðani, og teir hava havt fleiri framførslur á tiltøkum kring landið síðani.
Nú ætla teir at geva fleiri sangir út aftrat, og tann fyrsti er komin.
Sangurin "Camping" er lættur sangur um lívið við húsvogni út í náttúruni. Árni Andreasen er gestasangari á sanginum.
Teir, sum spæla við 21KNM, eru Jens Eli Ellefsen Ólason, Petur Fjallsbak, Brandur Reynstind og Hans Oluf Johannesen.
Her kanst tú hoyra sangin:
##med2##
