Sjóvar kommuna boðar frá at kommunan hevur arbeitt við at finna eina loysn í eina tíð. Arthur Djurhuus Poulsen varð settur í starv sum leiðari fyri ungdómstilboðið á heysti 2023. Afturat honum hevur kommunustýrið sett tvey starvsfólk.
Mikudagin í seinastu viku, vórðu dyrnar fyrstu ferð latnar upp fyri ungdóminum.
Ungdómstilboðið heldur til í nýggja húsinum omanfyri bygdahúsið, har frítíðarstovan eisini heldur til, og í kjallaranum í bygdahúsinum.
Ungdómshúsið er fyri ungdóm frá 7. flokki til tey 17 ára gomlu. Tilboðið verður opið mána og mikukvøld, umframt til skiftis fríggja- og leygarkvøld.
Ungdómstilboðið er fyri ungdóm í Sjóvar kommunu, men onnur ung er eisini vælkomin í ungdómshúsið. Her verður serliga hugsað um ungdómin longri inni á vestara armi á Skálafjørðinum.
Almenningurin fær høvi at síggja hølini, tá almenn móttøka verður í næstum.
##med2##
##med3##
##med4##
