Føroyski landsliðsmálverjin, Annika Fríðheim Petersen og liðfelagarnir í Nykøbing Falster fáa ungarska, norska og kroatiska mótstøðulið í bólki C í EHF European League.
Nykøbing Falster er í bólki C:
- DVSC Schaeffler Debrecen (HUN)
- Nykøbing Falster (DEN)
- Sola HK (NOR)
- HC Podravka Vegeta (CRO)
Debrechen endaði á triðja plássinum í bestu ungarsku deildini farna kappingarár. Sola HK er eitt lið í økinum kring Stavanger í Noregi. Sola endaði á einum triðja plássi í bestu norsku deildini undanfarna kappingarár. Podrovka Vegeta endaði á einum øðrum plássi í bestu kroatisku deildini.
Teir seks bólkadystirnir skulu spælast millum 7. januar og 19. februar. Tvey tey ovastu liðini vinna seg víðari til fjórðingsfinalurnar.
##med2##
Annika er fyrsti føroyski kvinnuliga hondbóltsleikarin, ið fer at taka lut í so stóra evropeiskari kapping fyri felagslið.
Hákun West av Teigum og lið hansara, Skanderborg Århus kappast í European League hetta kappingarárið. Undanfarna kappingarár kappaðust Elias Ellefsen á Skipagøtu og liðfelagarnir í Sävehof í European League.
