Ungarn fer eftir øllum at døma at taka seg burtur úr ICC, sum er altjóða revsirættardómstólurin í Haag, og henda tilgongd byrjar longu í dag, nú eftirlýsti ísraelski forsætisráðharrin, Benjamin Netanyahu, vitjar landið.
ICC hevur sent út handtøkuboð av ísraelska forsætisráðharranum, og ákæran er, at Benjamin Netanyahu hevur viðvirkað til, at krígsbrotsverk eru framd í Gazageiranum.
Nú sigur Ungarn, at landið ikki longur vil vera partur av ICC.
- Ungarn fer at taka seg burturúr revsirættardómstólinum, og stjórnin fer í dag at byrja hesa tilgongd innan rammurnar av grundlógini og altjóða lógum, sigur stápsleiðarin hjá Viktor Orban, sum kallast Gergely Gulyas.
Og Viktor Orban er forsætisráðharri landsins.
Tíðindini úr Ungarn um, at landið fer at taka seg burtur úr ICC, koma sama morgun, sum ísraelski forsætisráðharrin, Benjamin Netanyahu, kom til Budapest á almenna vitjan í morgun.
ICC hevur ongar heimildir, sum kunnu brúkast til at tvinga limalond at handtaka fólk, sum dómstólurin hevur sent út handtøkuboð um.
