Í dag klokkan 16 letur ungur havnarmaður upp listaframsýning.
Bert 19 ára gamli Jóan Tórur N. Joensen sýnir fram myndir í í handilshølunum hjá Tutl í Havn. Jóan Tórur nýtir oljukrit og blýant, tá hann skapar myndir sínar.
Tutl fór í fjør undir at hýsa listafólki í handilshølum sínum. Eini 7 - 8 listafólk hava síðani prýtt veggirnar og hava listafólkini verið bæði kend, minni kend og heilt ókend.
Vanliga hanga myndirnar uppi í ein mánað, til næsta listafólk sleppur framat.
