Í dag var tað grannauppgerð á vøllinum við Løgmannabreyt, har Undrið FF hevði vitjan av teimum næstbestu hjá HB. Heimaliðið vann 3-0 eftir 1-0 í fyrra hálvleiki. Hetta var triðja ferðin, at Undrið FF og næstbesta liðið hjá HB spældu landskappingardyst í ár og yvirhøvur, og Undrið FF hevur vunnið allar tríggjar dystirnar.
Tóki Næss Rasmussen setti tíggju minuttir undan steðginum hol á, og tveir minuttir eftir steðgin økti til Martin Hjaltalin Dam um munin til 2-0. Tóki Næss Rasmussen hevur skorað fýra mál í ársins landskapping, og Martin Hjaltalin Dam hevur skorað trý mál.
Tá ið ein tími var farin, staðfesti Villiam Emil Klein, sum sjey minuttir frammanundan var komin á vøllin, 3-0 sigurin. Hetta var 13. málið hjá Villiam Emil Klein, sum er toppskjútti hjá Undrið FF.
Í gjárkvøldið vann U-21 liðið hjá HB steypakappingina. Hesir plaga eisini at spæla í 1. deild, men teir vóru ikki á listanum í dag.
Undrið FF er á sætta plássi við 39 stigum, og HB er á sjeynda plássi við 30 stigum.
Um eina viku fer HB at spæla á heimavølli ímóti 07 Vestur, og tá fer Undrið FF at spæla á útivølli ímóti ÍF.