Sum altíð partvís við at sláa alt upp í glens.
Sum varastjóri í Realkreditstovninum fái eg ikki gjørt politiskar viðmerkingar til tað hann segði um dagføringina har - sum ikki beinleiðis er ein yvirtøka tí økið frammanundan er føroyskt.
Grannskoðari stovnsins átti heldur ikki at skemta við hesum á so ógreiðan hátt, tí viðskiftafólk okkara kundu kanska komið í tankar um revisiónina av Føroya Banka og sett spurnartekin við, um eisini Realurin skal grannskoðast umaftur.
Men tað mest áhugaverda var ásannanin av at yvirtøkan av »Ráevnum í undirgrundini« - var ein góð yvirtøka.
Er tað lagnunnar speisemi, at hann sum við hond og fót bardist fyri eini grønlendskari 50/50 skipan og saboteraði samráðingarnar 1981-85 nú noyddist at broyta hugsan um hesa yvirtøku.
10. mars 1998
Atli P. Dam
