Seinast Undirbeat var í miðbýnum, var í mai mánaða, stutt áðrenn vit gjørdust takleys og fóru at fjakka kring landið til lagurbygningin á Heygsvegnum, Grundina á G! Mini, Skanskan á Ólavsøku, neystið hjá Aksel á Ovastevnu og framsýningarhølið í Skipasmiðjuni.
Fríggjakvøldið vera vit aftur stødd í hjartanum í Havnini, tá vit saman við Patio fara at bjóða frískar elektro rútmur heilt frá kl 21 og langt út á náttina. Kvøldið byrjar við einum serliga Undirbeat-útvaldum playlista, hondgjørdur at hanga út til og blíva peppaður til teknodansing av, meðan Patio bjóðar alskyns leskiligar drykkir úr barrini. Frá midnátt og restina av náttini er elektro DJing á skránni frá eyðkenda frískdansandi spirrivippinum McLovin, sum hevði sína DJ debut til Undirbeat í fjør, og orkumikla Spencer Jones, ið ferð eftir ferð hevur prógvað fyri okkum, at tað er eingin veitsla, hann ikki kann fáa í kók.
Latum okkum tí øll hittast aftur til gleði og gaman í okkara flottasta purpuri og dýrasta líni til Undirbeat í hetta fríggjakvøldið. Vit gleða okkum at royna Patio av.
Kostnaðurin er 70kr og aldursmarkið 18 ár. Opið er frá 21-04.
Undirbeat í Patio, fríggjakvøldið 19. september 2008.
