Fiskivinna
Miðvági:Ísvirkið í Miðvági, sum hevur ligið stilt síðan á nýggjárinum, fer í gongd aftur um mánaðarskiftið.
?17 ár hava sett síni spor, sigur Albert Ellefsen, virkisleiðari hjá Føroya Fiskavirking í Miðvági, um ísvirkið.
Loft og veggir vóru slitin, og gamla metaltilfaið var farið at rusta, so ísurin var ikki tann besti.
Avgjørt varð tí at umvæla virkið. Veggirnir, sum eru av timbri, verða klæddir við glastrevjum, og alt, sum gjørt er av metalli ið rustar, verður skift út við rustfrítt tilfar.
?Tað hevur verið krav leingi, sigur Albert Ellefsen, at hendan umvælingin skuldi gerast. Umvælingin, sum gjørd verður, fer at kosta umleið eina hálva millión krónur, sigur hann.
?Men so verður eisini friður komandi 25 árini, heldur virkisleiðarin.
Ísvirkið hjá Føroya Fiskavirking í Miðvági klárar at gera 30 tons av ísi dagliga. Vanliga taka skip úr Vágum og Sandoynni ís í Miðvági. Eisini plaga skip aðrastaðni frá at taka ís her, greiðir Albert Ellefsen frá. Eitt nú línuskipini norðan úr Sundalagnum plaga at taka ís í Miðvági.
Tað er ivaleyst at gera í Miðvági í løtuni, letur virkisleiðarin at. Arbeitt verður hvønn dag, og eisini í dag verður arbeitt. Tað er annars ikki heilt vanligt at arbeiða leygardag. Í løtuni eru tað hýsa og upsi, tey hava á borðinum.
Albert Elelfsen hevur góðar vónir fyri árið. Tað tykist vea ríkiligt til av fiski. Øllum fiskaløgum, heldur hann. Tað ger so eisini, at prísurin eru nakað lækkandi.
Tá mest er at gera, arbeiða umleið 120 fólk á Føroya Fiskavirking í Miðvági.
