Høvið var at hyggja at konserveringsarbeiðinum í mikukvøldið. Tað var sum at sleppa inn í tað allar heilagasta her hevur verið lokað í longri tíð og eingin er sloppin framat; bert fremmandafólk hava stillisliga gingið út og inn á loftinum.
Tað er Nordisk Konservering, sum stendur fyri umvælingararbeiðinum av altartalvuni hjá Christianskirkjuni. Arbeiðið byrjaðið í september og heldur fram til í mai-mánaða 2013.
Mikukvøldið greiddi so Camilla Ipsen, konservator hjá Nordisk Konservering frá umvælingararbeiðinum nokkso tekniskt í smálutir hvussu arbeiðið er farið fram.
Altartalvan, sum er ogn hjá Statens Museum for Kunst, er deponerað í 75 ár til Chiristianskirkjuna og eru tað teir, sum saman við National Musenum, ið hava høvuðsábyrgdina av umvælingararbeiðnum, sum nú er í umbúnað.
Í gjárkvøldið varð so boðið til at skoða verkið, sum kann sigast at vera komið hálvvegis. Atlartalvan er í trimum pørtum. Ovast er ein lítil bogi at taka av, siðani er talvan í tvíningum at taða niður. Men av tí at har, hon upprunaliga stóð, í Viborg Dómkirkju, var ein bogi upp í altartaluna í niðasta høgra horni. Tá ið altartalvan varð sett upp í Klaksvík, varð hesin málaður afturat upp í altartalvuna.
Altartalvan hevur eina drúga søgu, sum verður ov umfatandi at greiða frá her, men sutt, varð hon málað sum ein fresko ein kálk-málningur á tann eina veggin í Viborg Dómkirkju í 1901 av Joakim Skovgaard. Av tí at veggurin lak ella sevjaði, var málningurin, sum er málaður á veggin, fluttur á lørift av serfrøðingum úr Italia, samstundis sum hann verður tikin av vegginum.
Tað verður gjørt eitt rimaverk ella stór ramma at seta stóru altartalvuna uppá, sum altartalvan hevur hingið á alla sína tíð í Klaksvík. Nú verður málningurin tikin av hesi rammuni. Enn síggjast farvegir av italiumonnunum, tí partar av italienskum avísum eru at síggja onkrar staðir á rammuni.
Málningurin verður fluttur yvir á eina aðra lættari og serliga plátukonstruktión. Vektin á altartalvuni fer tí frá 400 Kg niður á 200 Kg.
Nógv ymisk tøkni, handverk og handalag er brúkt til hetta serliga arbeiðið Tá ið tað hava verið flest til arbeiðis, hava verið sjey fólk og nú í seinastuni hava verið fimm fólk Eftir nýggjar vera tey fýra.
T. d. verður nýtt UV-ljós at eyðmerkja serlig øki at umvæla. Á henda hátt sæst serliga væl tann parturin av alatartalvuni, sum ikki er ein fresko, men oljumálningur. Tí er hesin parturin av málninginum tikin frá og verður viðgjørdur á heilt annan hátt, enn sjálv altartalvan.
Jú, hetta eru fólk, ið fara vandaliga til verka og sum vita, hvat tey hava við at gera. Tey hava eisini innrættað seg serliga væl og væl skipað uppi á loftinum Ja, tað var ikki sørt at tað var jólaligt eisini uppi undir væðingini við kalendarum og jólaprýði. Ella er hetta kanska ein máti at sleppa undan heimlongslinum. Flestu teirra koma frá Danmark, men onkur frá Íslandi og Spania hevur eisini verið við til áhugaverda umvælingararbeiðið, sum krevur nakað av tolsemi.
Altartalvan, sum nú hongur uppi í Christianskirkjuni til umvælingararbeiðið er liðugt, er frá gomlu kirkju, sum stóð á Gerðareiði.
Umvælingararbeiðið, sum ætlandi verður liðugt í mai 2013, kostar 7 mill meir enn tvífalt so nógv, sum Christianskirkjan kostaði at byggja í 1963.
Á sumri 2013 verður eitt størri 50-ára hátíðarhald fyri kirkjuni. Í hesum sambandi verður eisini umhugsað at skifta beinkirnar út, kanska við onkrum bleytari omaná.
www.nordiskkonservering.dk <http://www.nordiskkonservering.dk>
Orð og Myndir: Dávur Winther
