Tá ið nýggi skúlin, og ítróttarhøllin, eru liðug, eru umstøðurnar í Sunda Kommunu so góðar sum nakrastaðni.
Tað heldur Heðin Zachariasen, borgarstjóri í Runavík.
Skúlin og ítróttarhøllin verða liðug í august næsta ár, tá ið skúlarnir byrja aftur eftir summarferiuna.
Skúlin er ein felagsskúli fyri allar bygdirnar í kommununi, og ítróttarhøllin er sum ein vanlig ítróttarhøll í Føroyum til støddar, sum eisini kann hýsa landskappingardystum í hondbólti, flogbólti, og øðrum ítróttargreinum.
Hon hevur eisini sitipláss til 360 áskoðarar, men aftan fyri ovastu rekkjuna av benkrum er gott pláss, og tað er innrættað soleiðis, at eisini áskoðarar, sum sita í koyristóli fáa ótarnaða atgongd til høllina.
Samstundis er bæði fimleikarhøll og svimjihøll í tí gamla skúlanum.
– Skúlin og ítróttarhøllin fara at nøkta tørvin hjá kommununi nógv ár f fram, so tá ið tað er liðugt, hava vit rættiliga góðar umstøður, bæði til skúla og frítíðarítriv, leggur borgarstjórin afturat.
