Teilendski uttanríkisráðharrin hartar altjóða samfelagið, tí tað ikki hevur tikið nøkur stig ímóti fyrrverandi teilendska forsætisráðharranum Thaksin Shinawatra. Sambært uttanríkisráðharranum er tað Shinawatra, sum stendur aftan fyri tann ógvusliga ófriðin í Teilandi ta seinastu tíðina.
-Øll tváa sær um hendurnar, men Thaksin Shinawatra er ein yvirgangsmaður og hevur ábyrgdina av tí blóðuga ófriðinum, sigur Kasit Piromya, uttanríkisráðharri.
Hann sigur, at lond sum Russland, Týskland og Dubai kundu havt tikið fleiri stig til at steðga fyrrverandi forsætisráðharranum.
