Løgreglan fekk í gjár fráboðan um, at umfatandi herverk var framt á Ítróttarhúsið í Norðagøtu.
Vakthavandi á løgreglustøðini sigur, at løgreglan fekk fráboðanina um hálvgum sjey tíðina í gjár, og at nógvir rútar í Ítróttarhúsunum vóru brotnir.
Vakthavandi visti ikki at siga, hvussu rútarnir vóru brotnir, men løgreglan kannar málið.
Umframt herverkið var eisini rættiliga fitt av vindskaðum kring landið í ódnarveðrinum í gjár, og bæði løgregla og sløkkilið hava havt úr at gera bæði gjárkvøldið og í nátt.
