Gaza-geirin hevur verið undir áhaldandi ísraelskum álopum, síðan Hamas leyp á Ísrael við óteljandi rakettum leygardagin.
Tíðliga í morgun skrivar ísraelski herurin á X, fyrrverandi Tvitter, at eitt umfatandi álop er í gongd á Hamas-mál í Gaza-geiranum.
Tíðindastovan NTB veit at siga, at higartil er ikki nógv frætt um álopini í nátt.
- Ísrael hevur savnað 300.000 herfólk við markið til Gaza-geiran, og stúrt verður fyri, at ísraelski herurin fer at gera innrás.
Ein talsmaður hjá ísraelsku verjuni, Jonathan Concrius, sigur í morgun, at ein innrás kann byrja, tá umstøðurnar loyva hesum.
Hann segði seg kortini vóna, at hósdagurin verður friðarligari, enn seinastu dagarnir hava verið.
- Tí, vit hava ein langan og vandamiklan veg frammanfyri okkum, legði talsmaðurin hjá ísraelska herinum aftrat.
