Korona ávirkaði eisini Voxbotn, sum er útsett tvær ferðir, bæði tiltakið, sum skuldi havt verið í fjør, og tiltakið, sum skuldi verið síðst í juni.
Men í dag verður tiltakið, sum skuldi havt verið í fjør, og í morgin verður tiltakið, sum skuldi havt verið í juni. Tað vil siga tvær ferðir Voxbotn í Vágsbotni!
Og talan verður uttan iva um eina rimmar tónleikaveitslu í Vágsbotni – sum hesarferð kann hátíðarhalda, at tað eru liðin 10 ár síðan Voxbotn tiltakið var á fyrsta sinni.
– Og tað verður feirað við tveimum døgum av tónleiki, skriva fyrireikarnir, sum lova áhoyrarum eitt frálíkt bland millum nýtt og eldri, føroyskt og útlendskt.
Longu í mikudagin varð farið at gera klárt til stóra tónleikatiltakið í Vágsbotni. Ferðslan er løgd um, so ikki verður koyrandi aftur í Vágsbotni fyrr enn sunnudagin, tá alt er ruddað burtur aftur.
Skráins sæst her:
##med2##
##med3##
Tveir stórir pallar eru settir upp, annar undir húsunum vestaru megin torgið, og hin oman móti sjóvarmálanum suðureftir.
Øll atgongumerki til Voxbotn 2020 eru galdandi til fríggjadagin 20. august 2021.
##med4##
