Ukraina hevur leygardagin rakt tvey russisk tangaskip í Svartahavinum við dronum.
Tað sigur ein talsmaður fyri ukrainsku fregnartænastuna við Reuters.
Álopið á skipini frá sonevnda skuggaflotanum varð framt í einum felags átaki millum ukrainsku sjóverjuna og fregnartænastuna.
Russland brúkar skuggaflotan til at útflyta olju í Svartahavinum, sum er í stríð við revsitiltøkini hjá Vesturheiminum.
Sambært turkisku myndugleikunum varð álopið framt nærhendis Bosporussundinum og elvdi til eld umborð á skipunum.
Tangaskipini vóru á veg til havnina í Novorossiysk, sum er ein miðhavn hjá russisku oljutangaskipunum.
Sambært talsmanninum hava bæði tangaskipini fingið álvarsligan skaða og eru tikin úr sigling.
Ukraina hevur fleiri ferðir kravt harðari altjóða tiltøk móti skuggaflotanum hjá Russlandi, sum tey siga útflyta stórar nøgdir av olju og fíggjar kríggið í Ukraina hóast vesturlendsk revsitiltøk.
Oljusamtakið CPC sigur eisini, at ein bingjustøð í havnini í Novorossiysk hevur fingið skaða av ukrainskum dronum.
Samtakið stendur fyri meira enn einum prosenti av samlaðu oljuframleiðsluni í heiminum og er tann týdningarmesta parturin av oljuútflutninginum hjá Kasakstan.
/Ritzau/
