Jólaaftan eru í minsta lagi 10 fólk dripin og 58 eru særd í russiskum álopum á býin, Kherson, sum ukrainar tóku aftur frá russum fyrr í heyst.
Tað upplýsa ukrainskir myndugleikar í kvøld.
Ein av næstu monnum ukrainska forsetans, Kyrylo Tymosjenko, sigur, at av teimum 58 særdu í álopunum jólaaftan, hava 18 fingið álvarsligar løstir.
Ukrainski forsetin, Volodymyr Zelenskyj, skrivar á Telegram í kvøld, at russiska terrorisman móti sivilfólkinum í Ukraina heldur fram.
- Tað eru ikki hernaðarlig mál, sum lopið er á. Hetta er ikki eitt kríggj í tráð við reglurnar. Hetta er terror - at drepa fyri at skapa njótilsi og ótta.
Hetta eru orðini hjá forseta landsins, Volodymyr Zelenskyj, á Telegram í kvøld, og tað er tíðindastovan NTB, sum endurgevur.
Dagført:
Seinni hevur verið boðað frá, at tilsamans 16 fólk lótu lív í russisku álopunum í Kherson jólaaftan, og at 64 fólk hava fingið løstur. Millum tey deyðu eru eisini trý neyðhjálparfólk.
