Sambært guvernørinum í russisku regiónini Kursk leyp ukrainski herurin í morgun á eina oljugoymslu í økinum, sum liggur nærindis ukrainska markinum.
Sagt verður, at álopið varð framt við dronu, og at eldur stóð upp úr oljugoymsluni.
- Ein oljutangi brennur, men eingin hevur fingið løstir, skrivar guvernørurin, Roman Starovojt, á Telegram.
Fyrr í vikuni visti ukrainska fregnartænastan at siga, at ukrainski herurin eisini hevur lopið á eina aðra oljugoymslu í Russlandi í vikuni.
Reuters veit at siga, at oljugoymslan, sum ukrainski herurin leyp á í morgun, virkar, sum hon skal, og billbukt er fingið við eldinum.
