Í morgun er indiski forsætisráðharrin, Narenda Modi, komin á vitjan í ukrainska høvuðsstaðnum, Kyiv.
Í Ukraina skal hann eitt nú hitta ukrainska forsetan, Volodomyr Zelenskyj.
Hetta er fyrstu ferð, at ein indiskur forsætisráðharri vitjar í Ukraina, síðan Sovjetsamveldið fall í 1991.
Tað er ukrainski forsetin, sum hevur boðið indiska forsætisráðharranum á vitjan.
Fyrr í summar var Narenda Modi á vitjan í Moskva, og í gjár hitti hann forsetan í Póllandi í Warszawa.
Hetta vita útlendskir miðlar at siga í morgun.
